Policia njofton se më datë 02.03.2017, u arrestua shtetasi Ervin Lila, 32 vjeç, banues në Tiranë, i dënuar më parë, si dhe u referuan materialet në Prokurorinë e Rrethit Gjyqësor Tiranë.
Sipas bluve të kryeqytetit, procedimi ka nisur edhe për shtetasin E. N., 32 vjeç, banues në Tiranë. Kjo pasi rreth orës 11:00, në rrugën “Prokop Mima”, Ervin Lila ka goditur me grushta, në pjesë të ndryshme të trupit, shtetasin E. N.
Ky i fundit dyshohet të ketë vjedhur disa artikuj ushqimor, në dyqanin e motrës së Ervin Lilas. Shetasi E. N. ndodhet në spital, nën kujdesin e mjekëve. Parashikuar nga Nenet 88/1 e 134/1 të Kodit Penal./b.d
