Nico Rosberg dhe Lewis Hamilton do të garojnë sot në Abu Dabi të Emirateve të Bashkuara Arabe për të fituar titullin kampion. Mercedes ka siguruar titullin e konstruktorëve, ashtu si dhe të pilotëve, mbetet vetëm të mësohet se cili prej tyre. Rosberg ka 367 pikë, 12 më tepër se Hamilton, 355 pikë. Kjo bën që pilotit gjerman t’i mjaftojë edhe vendi i tretë në garën e sotme për të fituar titullin, pavarësisht asaj çka bën Hamilton.
Gara nis në 14:00 me orën e Shqipërisë. Hamilton niset në pole position, por Rosberg është i menjëherë pas tij, çka i jep shanse të mëdha.
Ja kombinimet e mundshme për secilin prej dy pilotëve:
Rosberg fiton titullin nëse
– Fiton apo ngjitet në podium.
– Del i katërti, i pesti apo i gjashtë, ndërkohë që Hamilton nuk e fiton garën.
– Del i shtati ose i teti, ndërkohë që Hamilton nuk del më lart se vendi i tretë.
– Del i nënti ose më poshtë, ndërkohë që Hamilton nuk del më lart se vendi i katërt.
Hamilton fiton titullin nëse
– Fiton garën dhe Rosberg nuk del më lart se vendi i katërt.
– Del i dyti dhe Rosberg nuk del më mirë se vendi i shtatë.
– Del i treti dhe Rosberg nuk ngjitet më lart se vendi i nëntë.
Gds/d.i.
