Ishte pikërisht përfaqësuesja e Shqipërisë, Ronela Hajati, që çeli natën e parë gjysmëfinale e Eurovision 2022 në Torino të Italisë.
Ronela performoi këngën “Sekret” dhe mund të thuhet pa frikë që e “ka djegur” skenën. E veshur e gjitha me rozë dhe e shoqëruar nga katër balerinë dhe koreografja e njohur, Klaudia Pepa, artistja ka bërë një performancë shumë të nxehtë, e cila është pritur shumë mirë nga publiku.
Madje ka marrë edhe shumë duartrokitje, ku nuk kanë munguar as flamujt shqiptarë që valviteshin në sallën e madhe të Eurovisionit.
Tashmë të gjithë janë kurioz, nëse Ronela dhe Shqipëria do të jenë pjesë e finales së madhe.
Këtu keni edhe mënyrën se si do të mund të votoni për të dhe shtete nga të cilat mund të bëhet ky votim./m.j
