Pasi t’i varë këpucët në gozhdë, Ronaldo e ka të qartë se çfarë do të bëjë, ai do të xhirojë filma. Cristiano Ronaldo e mbylli vitin 2017 me një tjetër çmim. Ai u shpall lojtari më i mirë nga Globe Soccer Awards në Dubai, çmimi i katërt ky në karrierë, tre më shumë se Lionel Messi.
Ronaldo nuk mori pjesë në ceremoni në Dubai, por priti në Madrid legjendën e Juventusit dhe Italisë, Alessandro Del Piero, që ia dorëzoi çmimin, ku bëri edhe intervistë me portugezin, duke zbuluar gjëra të ndryshme nga jeta.“Për momentin jam i përqendruar te kjo që po bëj, edhe pse e di shumë mirë që herët a vonë do të vijë edhe tërheqja”, u shpreh Ronaldo.
“Tani po shijoj të tashmen që është shumë e mirë, por jeta ime pas futbollit do të jetë shumë e bukur. Jam shumë i sigurt”.“Jo për paratë, por dëshirën që kam dhe për ato që do bëj: do të dëshiroja të bëja filma, pastaj duhet të manaxhoj hotelet, palestrat, linjën time me Nike…
Kam nisur të mendoj për jetën pas futbollit që në moshën 27-28 vjeçare. E shoh veten si njeri të fortë në biznes”, deklaroi Ronaldo, përgatiti ”Gazeta Express”. (b.an)
