Mbrojtësi i Barcelonës, Jordi Alba, thotë se është budallallëk të mos respektohet si futbollist Cristiano Ronaldo, por megjithatë, sipas spanjollit, ai nuk bënë as të krahasohet me Lionel Messin, sepse nuk është askund në nivelin e tij.
Cristiano Ronaldo është pretendenti kryesor për të fituar “Topin e Artë” si lojtari më i mirë i sezonit që përfundoi, sepse udhëhoqi Real Madrid-in ta fitojë Ligën e Kampionëve dhe Portugalinë Europianin e parë në histori të vendit, por Alba nuk mendon se duhet të jetë kështu.
“Ka edhe shumë lojtarë rezervë që e kanë fituar Europianin, Botërorin ose edhe Ligën e Kampionëve pa luajtur asnjë minutë. Në fund të fundit duhet të llogaritet çfarë lojtari bënë në fushë dhe Messi ka qenë më i miri”, ka thënë Alba për AS, njofton Klan Kosova.
“Nuk ka krahasim mes Messit e Ronaldos. Debati do të vazhdojë dhe ne duhet ta respektojmë Ronaldon, do të ishte budallallëk të mos e bënim. Ai është një lojtar i mrekullueshëm. Por, kujtdo që i pëlqen futbolli ai mendon se Leo është më i miri”.
