Cristiano Ronaldo është nderuar nga Real Madridi për arritjen e 100 golave në karrierë në garat evropiane. Ylli i Real Madridit, Cristiano Ronaldo, ka shkëlqyer në ndeshjen ndaj Bayern Munich-ut, duke shënuar dy gola, transmeton Gazeta Express.
Me këto dy gola, portugezi arriti shifrën e 100 golave në garat evropiane, duke u bërë lojtari i parë që arrin diçka të tillë dhe për këtë u nderua edhe nga Reali.
Numri një i klubit, Florentino Perez, ka pozuar së bashku me Cristianon me një fanellë ku ishte shkruar shifra e 100 golave. “I jam mirënjohës Real Madridit që më dha mundësinë të kem një karrierë të mrekullueshme në këtë klub, gjithashtu falënderoj edhe bashkëlojtarët”, tha Ronaldo. (b.an)
