Braziliani Ronaldo ishte përgatitur të takonte Papën në Vatikan, por nuk ia doli, për faj të shoqërueseve të tij, të veshura me të bardha!
Kur Fenomeni iu afrua Atit të Shenjtë dhe do ta përshëndeste, ai u ndalua me mirësjellje por njëherazi me vendosmëri, duke iu bërë e ditur se ceremonali përmban të ashtuquajturin “Privilegji i të bardhës”. Sipas këtij kodi, vetëm mbretëreshat katolike ose bashkëshortet katolike të monarkëve mund të vishen me rroba të bardha gjatë takimit me Papën.
Aktualisht, privilegjin e të bardhës e ka vetëm mbretëresha Letizia e Spanjës, mbretëresha Mathilde e Belgjikës, princesha Charlène e Monakos, ish-mretëresha Sofia e Spanjës, ish-mbretëresha Paola e Belgjikës, dhe dukesha e madhe Maria Teresa e Luksemburgut.
Vetëm ato mund t’i afrohen Papës të veshura me të bardha, pra jo dy zonjat që shoqëronin Ronaldon. Braziliani nuk e ka ditur dhe me siguri që tani ka mbetur paksa keq.
