Messi ka shënuar tetë gola më shumë se Ronaldo deri më tani në të gjitha garat.Lionel Messi e ka nisur furishëm sezonin e ri.
Pas 17 ndeshjeve me Barcelonën në të gjitha garat, Messi ka realizuar 16 gola, 12 prej tyre në La Liga, tri në Champions League dhe një kundër Real Madridit në Superkupën e Spanjës.Për dallim nga Messi, Cristiano Ronaldo po kalon një sezon të vështirë, sidomos në La Liga.
Pas 13 ndeshjeve në të gjitha garat, CR7 ka shënuar tetë gola – besoni apo jo vetëm një në La Liga, 11 më pak se Messi, ndërsa është golashënuesi më i mirë në Champions League me gjashtë finalizime.
Kurse ka shënuar edhe një në Superkupën e Spanjës në fillim të edicionit kundër Barcelonës.
Messi 16, Ronaldo 8 – mbetet të shihet se cili do të triumfojë në fund për golat në të gjitha garat, megjithëse lufta më e madhe do të jetë për “Këpucën e Artë”, të cilët kanë nga katër çmime.
Por, për këtë Ronaldo duket larg, pasi është 11 gola larg Messit, përgatiti ”Gazeta Express”. (b.an)
