Vijon operacioni “Roja e Gjelbër”. Policia godet dy raste të tjera të prerjes së paligjshme të pyjeve. Procedohen penalisht dy shtetas.
Sekuestrohen 9 metër kub lëndë drusore “Ah” së bashku me dy automjetet që transportonin lëndën drusore.
Në vijim të punës për parandalimin dhe goditjen e prerjes së paligjshme të pyjeve, efektivat e Komisariatit të Policisë Dibër kanë goditur dy raste të tjera dhe konkretisht:
Në orët e para të mëngjezit në hyrje të qytetit Peshkopi, nga shërbimet e policisë është bllokuar automjeti tip IFA që drejtohej nga shtetasi H.L, 36 vjeç lindur në Dibër, pasi transportonte pa dokumentacion përkatës 6 metër kub lëndë drusore “AH”.
Po nga shërbimet e Komisariatit të Policisë Dibër në Lagjen “Gjokë Doçi”, Peshkopi, është kapur shtetasi A.L, 32 vjeç, lindur në Dibër, duke transportuar 3m (metër kub) lëndë drusore me mjetin kamionçinë tip “Benz”, pa dokumentacionin përkatës.
Për t’i shpëtuar kontrollit të policisë shtetasi i lartpërmendur e kishte mbuluar lëndën drudore me bar.
Shtetasit H.L e A.L janë proceduar penalisht në gjendje të lirë ndërsa lënda drusore dhe automjetet janë sekuestruar në cilësinë e provës materiale.
Materialet proceduriale i kaluan Prokurorisë së Rrethit Gjyqësor Dibër, për ndjekje te mëtejshme, për veprën penale “Prerja e paligjshme e pyjeve” parashikuar nga neni 205 i Kodit Penal./a.m.
