Roja bregdetare italiane në Gallipoli në Pulia ka shpëtuar një skaf, brenda të cilit ishin dy shqiptarë. Skafi pësoi avari në motor në mes të detit dhe kërkoi ndihmë.
Autoritetet italiane e identifikuan skafin në avari rreth 4 milje larg brigjeve të Otrantos. Anija CP 809 e rojes bregdetare të Otrantos dhe anija CP 327 e rojes bregdetare të Santa Maria di Leuca arritën ta tërheqin deri në portin e Otrantos shkruan Panorama.
Shqiptarët brenda ishin në gjendje të mirë, por njëri prej tyre përfudnoi në pranga pasi ishte person i kërkuar për disa vepra kriminale në Veri të Italisë./a.m.
