Bill Gates ka pohuar se “Inteligjenca artificiale po vjen” , por ka paralajmëruar se me ardhjen e saj vihet në dyshim ekzistenca e njerëzimit.
“Ëndrra po realizohet”, ka thënë Gates, duke folur me gruan e tij Melinda Gates në Code Conference që u mbajt në Californian Jugore.
“Në atë drejtim po shkojnë gjërat”, ka theksuar Gates, i cili ka shtuar se në 10 vjetët e ardhshme robotët do të kenë aftësi të drejtojnë dhe të kryejnë punët e rënda që njerëzimi nuk mund t’i kryejë, raporton Daily Mail.
Ai ka paralajmëruar për rrezikun e inteligjencës artificiale e cila në të ardhmen do të bëhet super e mençur. “Në 10 deri në 20 vitet e ardhshme, inteligjenca artificiale do të ndihmojë jashtëzakonisht shumë në menaxhimin e jetëve tona”, ka thënë Gates.
Miliarderi amerikan ka thënë se në të ardhmen do të krijohet një softuer që do të merret çdo ditë me emailin dhe gjerat tjera të punës së një njeriu. “Do të merret me gjitha informacionet e reja dhe do t’ua prezantoj, duke e ditur interesimin tuaj se çfarë është më e vlefshme për ju”, ka parashikuar Gates që këshillon se njerëzimi duhet të ketë kujdes në menaxhimin e inteligjencës artificiale, transmeton Koha.net.
“Jam në anën e atyre që shqetësohen nga super inteligjenca”, ka thënë Gates. “Fillimisht makineritë do të kryejnë shumë punë për ne, por nuk do të jenë inteligjente. Kjo është pozitive nëse e menaxhojmë mirë”, ka shtuar pronari i Microsoftit.
“Pas disa dekadave inteligjenca do të jetë shumë e fortë dhe këtu duhet të shqetësohemi”, përgatiti Koha. (b.an)
