Robert Aliaj ka “shpërthyer” ndaj mediave duke i cilësuar si të pabesueshme për lajmet që përcjellin.
Përmes një prononcimi, këngëtari shprehet se e verifikoi vetë lajmin e publikuar nga mediat duke shkuar pranë një komisariati.
Ai thotë se pasi u interesua, policët i thanë që nuk kishte asnjë masë administrative ndaj tij.
“Nuk e di nëse është e vërtëtë se s’kam asnjë konfirmim zyrtar. Të them të drejtën si besoj mediat. Se janë si kosh plehrash për mua. E kanë shkatërruar fare kulturën, pasi nuk merrem me vlera arti, por me thashetheme dhe gosip.
Unë shkova më shumë për fun. Shkova tek një rajon policie. Më thanë se ça halli kisha. Shkova qëllimisht për ngacmim dhe kur i pyeta më thanë; ‘s’kemi gjë’. Sido që të jetë është një lojë, ose është presion, ose lojë mediatik. I ashpër për mediat jam se jam i zhgënjyer.
Media është pjesë e gjithë kësaj torte që rrjep shqiptarët. Ka përjashtime, por mediat janë zhgënjyese.
Përsa i përket asaj që ka ndodhur, do prononcohem. Për momentin unë jam cool, po karikohem. Nuk dua që të politizohet kjo kauzë. Për mua është e pastër si kauzë dhe duhet mbështetur”, tha Aliaj.
a.çupaj
