Një 26 vjeçar ka vrarë prindërit e tij në fshatin Yema që ndodhet në jugperëndim të Kinës dhe më pas ka vrarë edhe 17 fqinjë të tij.
Autoritetet kineze thanë se Yang Qingpei vrau prindërit e tij pas një zënke për para që pati me ta të mërkurën dhe nga frika se vrasja mund të zbulohet vrau edhe komshinjët e tij, raportojnë mediat ndërkombëtare.
Ai u arrestua disa orë pasi policia zbuloi trupat e fshatarëve nëpër disa shtëpi.
Kjo është një nga vrasjet më masive e viteve të fundit në Kinë.
Për shkak të mungesës së armëve të zjarrit në këtë vend vrasjet masive zakonisht kryhen me thika, helm, mjete shpërthyese, apo zjarrvënie./a.m.
