Arben Ristani, Sekretar i Përgjithshëm i PD, ka reaguar për herë të parë për rezultatin e derritanishëm të zgjedhjeve, që e lë edhe atë jashtë parlamentit. Ristani i renditur i 4-ti në Vlorë nuk arrin të sigurojë mandatin, pasi PD shkon vetëm 3 mandate.
Edhe në reagimin në facebook, Ristani nuk flet si deputet por si sekretar i PD. Ai shpreh keqardhjen për rezaultatin ndërkohë i bën thirrje komisionerëve të numërojnë çdo votë.
“Falenderoj me mirënjohje të thellë të gjithë anëtarët dhe simpatizantët e Partisë Demokratike për katër vitet e një opozite të vështirë, tre muaj qëndresë në çader dhe një muaj fushatë të përkushtuar. Po ashtu ju bëj thirrje numeruesve dhe komisionerëve te PD, që të numërojnë cdo votë te opozitës, që vullneti i Shqiptarëve të pasqyrohet drejtësisht. Me përgjegjësinë e plotë si Sekretar i Përgjithshëm i Partisë Demokratike të Shqipërisë shpreh keqardhjen për rezultatin e zgjedhjeve dhe bindjen se misioni i Partisë Demokratike vazhdon”,- shprehet ai ne nje status ne FB.
