Opozita nderoi dje dëshmorët e rënë gjatë Luftës Antifashiste, kurse Meta e Rama ishin në Vlorë për të nderuar Pavarësinë e vendit. Një ndasi e vjetër, që mban veç e veç në mënyrë absurde palët politike.
Por LSI ka bërë rregullisht dallimin mes dy datave, duke u rreshtuar kundër demokratëve. Kryetarja e LSI-së Monika Kryemadhi, ka zgjedhur që këtë ditë ta përkujtojë sot, ashtu si maxhoranca. Por pavarësisht këtij fakti, Kryemadhi zgjodhi një tjetër orë nga ajo e krerëve të shtetit, për të marrë pjesë në homazhe. Pasi vendosi kurorë me lule në Varrezat e Dëshmorëve, Kryemadhi dha edhe një mesazh të qartë; nderimin dhe kujtimin e të gjithë djemve dhe vajzave që dhanë jetën për lirinë e Atdheut.
