Dritan Demiraj, ka komentuar dekonspirimin e operacionit për arrestimin e 3 ish-zyrtarëve të lartë të policisë që dyshohet se janë të implikuar në çështjen “Habilaj”.
Në emisionin “Kjo javë” në “News24”, ai tha se në të tilla raste, i lihet “topi njëri-tjetrit” sipas tij, por thekson se situata të tilla duhet të marrin fund.
Ka persona të tjerë të përfshirë?
Po ka shumë persona të tjerë që janë të përfshirë në këtë situatë, ka një presion nga ministri, opozita dhe ndërkombëtarët që të vazhdojnë me arrestime të tjera.
Ka implikimit të policisë?
Ne kemi parë që në polici kanë punuar persona me precedentë penal, të kërkuar nga Interpoli. Kjo tregon që policia është e implikuar në lehtësimin e mos arrestit të këtyre policëve.
Emër konkretë?
Ajo që mund t’ju them, janë disa drejtorë dhe ish-drejtorë që janë në hetim, të cilët janë larguar për hetime, dhe së shpejti do u dalin emrat. Ka ish- drejtorë qarqesh të tjerë.
Çfarë e mban Çakon në detyrë?
Unë kur kam qenë në detyrë, kam propozuar shkarkimin e disa shefave komisariatesh që ishin të përfshirë në vjedhjen e votave dhe mos-zbatimin e ligjit për zgjedhje të lira e të ndershme, apo kanë lidhje me bandat e trafikut të drogës. Kam patur një listë me persona drejtues të Policisë së Shtetit, që ia kam kaluar Çakos, dhe është justifikuar pse t’i largoj. Është lista me 120 e ca persona, që kam informacion të saktë se ministri Xhafaj është duke u marrë me identifikimin e tyre dhe analizimin e listës, dhe pritet t’i largojë nga detyra.
