U vendosën 27 rekorde të botës në Lojërat Olimpike në Rio de Janeiro vitin e kaluar, duke nisur nga noti te peshëngritja, harku e deri te çiklizmi. Ishin ngjarje te jashtezakonshme.
“Citius, Altiusm Fortius”, është modeli olimpik mbi të gjitha – që nga gjuha latine përkthehet “Më shpejt, më lart, më fort“.
Tash vjen ndoshta rekordi i botës më i qëndrueshëm i Lojërave Olimpike: vetëm shtatë muaj pasi flaka është shuar, vendi mikprites ka pranuar se i gjithë operacioni ishte i tmerrshëm, ndoshta ide kriminale.
E ka lënë me borxhe të mëdha dhe pa ide se çfarë të bëjë me infrastrukturën që po shkatërrohet tashmë.Kurrë më shpejt nuk ka ardhur dënimi për organizimin e ngjarjes. Kurrë më lart nuk ka qenë zemërimi lokal. Dhe ndoshta kurrë më i fortë nuk ka qenë mesazhi për pjesën tjetër të botës që të evitojë të futet në biznes me Komitetin Olimpik Ndërkombëtar (IOC).
“Nuk kishte planifikim”, tha Lenadro Mitidieri, prokuror federal në Brazil këtë javë pas një takimi publik për katastrofën olimpike. “Nuk kishte planifikime kur u bë kandidatura për të organizuar Lojërat Olimpike”.
Dhe çfarë të bëhet me infrastrukturën masive që vendi ndërtoi për të kënaqur IOC-in, një pjesë e madhe e kostos prej 12 miliardë dollarëve për të organizuar Lojërat Olimpike? “Janë elefantë të bardhë sot”, thotë Mitidieri…, përgatiti Koha. (b.an)
