Një zjarr është aktivizuar pak minuta më parë në Ksamil.
Zjarri ka shpërthyer në një zonë të pandërtuar në hyrje të Ksamilit, e cila në vitet e komunizmit ka qenë ullishte. Nuk dihen ende shkaqet, po nuk përjashtohet mundësia se është zjarrvënie e qëllimshme.
Zjarrfikëset e Sarandës janë nisur drejt vendngjarjes.
Kujtojmë që vatra të shumta zjarri ishin aktive në vendin tonë, derisa moti solli reshje të shiut. Autoritetet bënë me dije se shumica e vatrave ishin të qëllimshme dhe mesa duket nuk kanë vonuar të rindezin një tjetër vatër zjarri, këtë herë në Ksamil.
/e.rr
