Riparimi i dëmeve nga tërmeti i muajit të kaluar në Italinë Qendrore do të kushtojë të paktën 3-4 miliardë euro, tha sot kreu i Agjencisë Kombëtare të Mbrojtjes Civile të vendit.
“Fatura do të jetë jo më pak se 3-4 miliardë euro, përafërsisht një shifër që unë besoj se do të tejkalohet”, tha kreu i Mbrojtjes Civile, Fabrizio Curcio, në një konferencë për shtyp.
Më 24 gusht, një tërmet me magnitudë 6,2 ballë Rihter goditi Amatricen, Accumolin dhe Arquata del Tronton, tri komunat në një zonë të thyer malore, rreth 150 kilometra në verilindje të Romës.
Rreth 3 000 njerëz janë ende të pastrehë, duke përfshirë 2 500 persona, të cilët ende jetojnë në tenda të improvizuara./a.k
