Kryeministri Edi Rama ka njoftuar përmes një postimi në facebook se mbrëmjen e sotme do të ndizen dritat e banesave të rindërtuara në zonën e Thumanës.
Kryeministri bën me dije se familjet e dëmtuara prej tërmetit të 26 Nëntorit, do të futen sot në ambientet e reja të banimit të ndërtuara nga procesi i Rindërtimit.
“Pak nga pak po ndizen dritat e banesave të familjeve që po rikthehen në Thumanën e Rilindur, ku vigjëlon ulliri i jetës dhe i paqes nga maja e çisternës së vjetër të ujit, e cila është kthyer në një përkujtimore të viktimave të tragjedisë së 26 nëntorit dhe të rilindjes së qytezës së masakruar nga tërmeti”, shkruan Rama në facebook.
/a.r
