Dega e PD në qytetin bregdetar është përfshirë nga debatet në mbledhjen e sotme. Ka qenë një takim që ka zhvilluar kryetari i komanduar i PD dega Durrës Oerd Bylykbashi me grupet e punës të cilat janë krijuar për të verifikuar problemet në bazë të cilat çuan edhe në humbjen e thellë në zgjedhjet e qershorit. Informacionet e këtyre grupeve do të dërgohen në Tiranë te kryetari Basha
Sipas burimit dyshohet se kjo zgjidhje synon të ezaurojë një analizë të vërtetë për zgjedhjet në Durrës dhe në qytetet e tjera. Në këtë takim kryetari i komanduar Bylykbashi ka deklaruar se “demokratët e vërtetë janë ata që kanë votuar Lul Bashën në zgjedhjet për kreun e PD”.
Ndërkohë, bëhet me dije se procesin e grumbullimit të informacioneve për gjendjen në bazë e udhëheq Ferdinand Xhaferri. Lidhur me këtë zgjedhje ka pasur polemika pasi Xhaferri konsiderohet si humbësi i zgjedhjeve për kreun e bashkisë në zgjedhjet e vitit 2011 si dhe bojkotues të paktën në 2 fushata elektorale.
Debati ka qenë me grupin që i është kundërvënë Lulzim Bashës pas caktimit prej tij të kandidatëve për deputetë si dhe pas humbjes së thellë në zgjedhjet e qershorit./Shqiptarja/a.m.
