Dani Alves, ndonëse tashmë 36-vjeçar, nuk ka ndërmend të hedhë peshqirin në tapet kur vjen puna te tentative e tij për tu rikthyer te Barcelona. Futbollisti brazilian, pasi përfundoi aventurën e tij te PSG, tashmë është një lojtar i lirë dhe ka një plan për të realizuar ëndrrën e tij për të veshur sërish fanellën blaugrana.
Është “UOL Esporte”, ajo që ka zbuluar strategjinë e Dani Alves. Futbollisti që udhëhoqi Brazilin drejt fitimit të Kupës së Amerikës 2019 do të presë për ofertën e Barcelonës deri në gusht, sepse katalanasit mbeten prioriteti i tij, pavarësisht se mbrojtësi veteran u skarcua nga stafi teknik, në momentin kur Dani Alves iu vetëofrua presidentit Bartomeu.
Braziliani beson se është në javën e parë të gushtit kur në të vërtetë vendoset gjithçka në merkato, duke shpresuar që Barcelona të finalizojë edhe rikthimin e Neymar në këtë fazë të merkatos. Në këtë kuptim, Alves nuk e përjashton mundësinë që katalanasit të nënshkruajnë me atë dhe shokun e tij të ngushtë.
