I ashpër ka qenë në fjalimin e tij kreu i grupit Parlamentar të PS-së, Taulant Balla teksa ka komentuar një lajm që qarkulloi në disa media se BE do të vendoste regjim vizash për Shqipërinë.
Pasi mohoi kategorikisht këtë lajm, Balla nga foltorja e Kuvendit sulmoi ashpër ish-kryeministrin Sali Berisha, ndërsa e cilësoi atë një shpifës dhe një fatkeqësi të madhe për vendin. Balla tha se BE e ka një plan të tillë, që qytetarët që do të hyjnë në BE, do të duhet të pajisen me vizë, por për një periudhë tjetër në të ardhmen.
“Jemi në një fazë ku pjesa më e madhe e legalizimeve ka përfunduar. Ato nuk legalizoheshin me ligjin e Saliut, por legalizohen me ligjin tonë. Kjo është vepra që kemi bërë ne dhe nuk është aspak e vërtetë që ne kemi ardhur në pushtet me kartën e legalizimeve. Por një nga premtimet ka qenë dhe kjo. Sa i përket për çështjen e sigurimit, ka enë çështje mangësi 30 vjeçare. S’ka asnjë vend në Europë, që kur ndërtohet diçka, ajo nuk para sigurohet.
Nuk ka një vend në Europë që brenda një kohe të shkurtër të jetë goditur nga dy tërmete, njëri me përmasa apokaliptike. Në këto kushte, Shqipëria sipas tij progres-raporti që sot komisoneri prezantoi këtu. Kemi bërë hapa të shkëlqyer në të gjitha drejtimet. Në luftën e organizuar dhe në operacionin Forca e Ligjit. S’po hyjë në shifrat e raportuara nga komisioni. Por ashtu dhe në aspekte të tjera. Është e vërtetë që Kuvendi ka për të përmbushur dhe një vend në Gjykatën Kushtetues. Por nuk është përgjegjësi e tij. Meqenëse data 10 është afati i fundit, i bëj thirrje çdo djali apo vajze, burri apo gruaje, që të kandidojë për vendin vakant për gjykatën Kushtetuese. Që të marrë këtë përgjegjësi. Mendoj se qytetarët që na ndjekin duhen informuar siç duhet.
Prej ditësh ka një përhapje keqdashëse të një lajmi të rremë, në mënyrë ekskluzive, nga prodhues i lajmeve të rreme, Sali Berisha, i cili është një fatkeqësi e madhe për këtë vend. Vazhdon historikisht që t‘i bëjë keq këtij vendi. Që ka gënjyer dhe nga portali i djalit të vet. Ku deklaron se qytetarëve shqiptarë, duke nisur nga janari i 2021 do t’i vendosen vizat. Sikur shqiptarët janë të padëshiruar. Në atë që gënjen Saliu, sipas një sistemi të ri automatik që do të vendos BE, qytetarët e këtyre vendeve duhet të aplikojnë para për të hyr në BE dhe të marrin vizë. Ky nuk është aspak lajm i vërtetë. Ky është një projekt që BE e ka planifikuar prej kohësh. Nuk hyn në fuqi në janar të 2021-it.
Ndoshta në fund të dhjetorit të 2022 mund të jetë gati. Por nuk është aspak e vrerte ajo që ka përhapur nga Sali Berisha, burimi i ndyrë. Është e rëndë për institucionet e drejtësisë dhe tatimeve në këtë vend, që paratë e korrupsionit të Berishës, janë kthyer në sponsorizim të televizioneve.”, tha Balla.
/a.r
