Ish-ambasadori i SHBA në Shqipëri Jon Withers është rikthyer sërish, por vetëm për një vizitë private të cilën nuk ka preferuar ta ngatërrojë me politikën.
Në Vlorën që i ka dhënë titullin qytetar nderi ish-ambasadori tha se ndjehet si në shtëpinë e tij dhe se ka ndjeshmëri të madhe për shqiparët.
Withers: Une jam në një vizitë krejt private në Shqiperi me kapacitetin tim presonal dhe me duhet të them se arsyet nuk kanë të bëjnë aspak me politikën. Vizitoj Vlorën sot sepse kam një ndjeshmëri të madhe për shqiptaret dhe vecanërisht për të gjithë ju bashkëqytetarët e mi të Vlorës.
Gazetarët duke iu referuar deklaratave të tij në kohën kur ushtronte detryën e ambasadorit i kutjuan se ka folur gjithnjë me matafora ndërsa i kërkuan se cila është ajo e radhës ?!
Withers: Dëgjova një shprehje të re frazeologjike ose fjalë të urtë shqiptare. Ishte kryetari i bashkise qe e ndau me mua. ‘i vë kapelën secilit sipas kokës” -ishte shprehja pra shprehja e kryetarit ishte se ju dinit t’i vinit kapelen secilit sipas kokes. Mu duk si filozofi shumë e mirë për jetën personale dhe jetën publike, sepse jetojmë të gjithë si individ të vecantë, pra secili prej nesh gjykohet për veprën e tij dhe është shumë e rëndësishme që asnjëherë të mos e harrojmë këtë dhe sa here shoh në sy cdo individ eshte e rëndësisë së vecantë për mua të kuptoj cdo ide dhe cdo prioritet të cdo qytetari të këtij vendi , pasi e konsideroj shume të rëndesishme. Është e rëndësishme t’i degjojme njerezit me vemendje madje dhe nese nuk biem dakort me cdo gje qe na thuhet .
Të enjten Withers do të nderohet nga kreu i bashkisë së Tiranës Erion Velaij me titullin qytetar nderi, ndërsa vlonjatëve u ka premtuar që do ti vizitojë më shpesh tani që ka dalë në pension. Në xhaketën e tij ish-ambasadori mbante simbolin e dy shteteve, flamurin amerikan dhe shqiptar.
/Oranews.tv/
