Megjithëse një pjesë e shtypit pranë opozitës e japte tashmë të shkarkuar nga detyra, Donald Trump dëshmoi sot se është kthyer nga ceremonitë e inaugurimit të presidentit të ri amerikan, pa asnjë “plagë” në trup. Të paktën për momentin.
Ambasadori amerikan, ka qenë sot i ftuari i parë në serinë e bisedave me studentë dhe pedagogë të Fakultetit të Histori Filologjisë ku diskutoi Administratën e re të Shteteve të Bashkuara dhe Politikën e saj të Jashtme shkruan Javanews.
Në fjalën e tij, Lu tha se “Shtëpia e Bardhë e ka përkufizuar qëllimin e politikës së jashtme të Presidentit si të qëndrueshme, për një botë më të paqtë, me më pak konflikte dhe më shumë interesa të përbashkëta.”
Kryediplomati amerikan mbajti një fjalim dhe iu përgjigj pyetjeve nga pjesëmarrësit në lidhje me Presidentin Trump dhe si mund të ndikojnë platformat e tij të shprehura politike në marrdhëniet ndërmjet Shteteve të Bashkuara dhe Shqipërisë, si dhe vendeve e rajoneve të tjera në botë.
Gjithashtu mësohet se Lu foli edhe në lidhje me NATO-n, duke vënë në dukje se Sh.B.A. do të inkurajonte më shumë kontribute nga të gjithë anëtarët e aleancës. Ai theksoi se shkatërrimi i ISIS është përcaktuar si një nga prioritetet kryesore të politikës së jashtme, një qëllim të cilin ne e ndajmë me mbi gjashtëdhjetë vende të tjera të koalicionit kundër ISIS-it, duke përfshirë edhe Shqipërinë.
Duke folur për reformën në drejtësi në Shqipëri, Ambasadori Lu vuri në dukje se populli shqiptar e kërkon dhe e mbështet atë. Ai theksoi se ky vit që kemi përpara është “plot me sfida kur bëhet fjalë për zbatimin e reformës në drejtësi dhe zgjedhjet kombëtare.”
Pergatiti:Javanews.al
