Falë përpjekjeve të një ekipi ndërkombëtar shkencëtarësh, të cilët ishin në gjendje ta rikonstruktonin se si dukej para 1.8 milionë vjetësh zona e lokalitetit Olduvai Gorge në Tanzani, si një nga vendgjetjet më interesante të hominidëve të hershëm, tani mund të shohim se si vërtet kanë jetuar paraardhësit e hershëm të homosapienëve.
Duke i përdorur gjetjet nga lokaliteti, si dhe të dhënat në dispozicion për zhvillimin e florës dhe faunës lokale, shkencëtarët nga Universiteti Rutgers, Universiteti Shtetëror i Pensilvanisë, ETH Zürich dhe Universiteti Complutense, kanë arritur ta kompletojnë një tablo interesante të jetës së Paranthropus boiseia dhe Homo Habilis, të cilët njëkohësisht jetonin në zonën e përmendur.
Hominidët e hershëm kishin qasje në ushqim, ujë dhe strehim në zonën Olduvai Gorgea në Tanzani. Për më tepër, ata kishin një sasi të madhe të mjeteve të gurit me tehe të mprehta, transmeton “Koha Ditore”. Megjithatë, kjo ishte një jetë e vështirë, plot me përpjekje, për shkak se për ushqim duhej të luftonin vazhdimisht me mishngrënësit”, zbuloi prof. Gail M. Ashley nga Rutgers University.
“Ia dolëm të përcaktojmë se bimët ndodheshin në zonën ku janë gjetur mbetjet e hominideve dhe veglave të tyre prej guri. Kjo lloj analize nuk është bërë kurrë. Mapimi është kryer duke e analizuar tokën në një shtresë të vetme gjeologjike, të njëjtën shtresë ku janë gjetur eshtrat e dy llojeve të ndryshme të hominideve”, tha prof. Ashley.
Dhe derisa të dy llojet e hominidëve ishin të ngjashëm në lartësi, e cila varionte nga 1.37 1.68 m, por edhe me jetëgjatësi, me një kohëzgjatje maksimale prej 30 deri 40 vjet, duhet thënë se Homo Habilis e kishte një tru më të madh.
Për më tepër, konsiderohet se pikërisht Homo Habilis ishte një nga lidhjet në evolucionin e njeriut, ndryshe nga Paranthropus boiseia, për të cilin është e mundur që ka hyrë në një qorrsokak evolucionar…
