Elisa Spiropali, ministrja e Shtetit për Marrëdhëniet me Parlamentin njëherësh zëdhënëse e qeverisë dhe drejtuese politike në qarkun e Tiranës inspektoi ambientet e rikonstruktuara të shkollës së mesme të bashkuar “Shaban Sheshori” në Prezë.
E shoqëruar edhe nga ministrja e Arsimit, Sportit dhe Rinisë, Besa Shahini, ajo nënvizoi se ky investim shkon dhe për zhvillimin e mëtejshëm të një prej zonave të rëndësishme të Tiranës rurale.
“Me datë 16, nxënësit e shkollës së mesme të bashkuar “Shaban Sheshori” në Prezë, nisin vitin e ri shkollor në ambientet totalisht të rikonstruktuara.
Një qendër e rëndësishme e dijeve për më shumë se 230 nxënës të ciklit fillor, 9 vjeçar dhe atij të mesëm, përveçse një godinë më kushtet dhe standardet e duhura, ky investim shkon dhe për zhvillimin e mëtejshëm të një prej zonave të rëndësishme të Tiranës rurale”, -u shpreh Spiropali.
Gjithashtu, ajo bashkë me Shahinin shpërndanë librat falas për nxënësit e klasave të para.
/a.r
