Rihapeni Gërdecin! Ndryshe do të ndodhë përsëri
Autori amerikan i librit që flet për Gërdecin, Guy Lawson në një intervistë të dhënë për Dita, shprehet se qeveria shqiptare duhet të rihapë dosjen e Gërdecit. “Nëqoftëse se Shqipëria është duke u bërë me të vërtetë komb europian dhe anëtarë i denjë i NATOS, ajo duhet të jetë e përgjegjshme dhe transparente. Kjo kërkon një gjyqësor të pavarur dhe shtyp të lirë, të fortë. Në rastin e Gërdecit, politikanët e përfshirë në atë çështje u votuan për t’i dhènë vetes imunitet. Ky eshte turp.
Është e kuptueshme që atyre u shkon përshtat t’i lënë të patrazuara çështjet e sikletshme kjo është ajo që Obama ka bërë me shoqërinë amerikane, me shumë krime të luftës në administratën e mëparshme që nuk hetohen, duke përfshirë torturën. Po kjo lloj paqeje vjen me një çmim të madh, jo vetëm për familjet e viktimave. Dështimi për të kuptuar se çfarë ka ndodhur në Gërdec do të thotë se e njëjta gjë do të ndodhë përsëri dhe përsëri dhe përsëri. Korrupsioni duhet të ekspozohet ndryshe ai kurrë nuk do të ketë fund”, pohon autori i librit, Lawson.
