Këngëtarja me renome botërore, Rihanna, kujton kushëririn e saj Tavon Kaiseen Alleyne pas vdekjes së tij të papritur në mëngjesin e sotëm.
Ajo ka postuar sot një fotografi në Instagram me kushëririn tashmë të ndjerë dhe ka shkruar një mesazh prekës, transmeton Koha.net. “U prehsh në paqe kushëri… nuk mund të besoj se mbrëmë të mbajta në kraharorin tim!
Kur nuk do ta mendoja se kjo do të ishte hera e fundit që do ta ndjejë nxehtësinë e trupit tënd!!! Të dua përgjithmonë kushëri!”, ishte mbishkrimi i fotografisë.
Ajo përfundoi postimin me hashtag “#endgunviolence” (të ndërpritet dhuna me armë), duke sugjeruar se kushëriri i saj mund të jetë vrarë në një sulm me armë. Televizioni lokal i Barbadosit, Nation News, raporton se Alleyne, 21 vjeç, është qëlluar për vdekje në ora 7 të mëngjesit të sotëm në shtëpinë e tij në Saint Michael, jug-perëndim të ishullit Karabian.
Sipas raportimit, Alleyne ishte “duke ecur në trotuarin para shtëpisë së tij kur një njeri i është afruar dhe e ka qëlluar për vdekje disa herë dhe pastaj ai njeri është larguar nga skena e krimit”. (b.an)
