Shqiptarët që kanë mbetur jashtë vendit dhe që duan të kthehen, do të kenë në dispozicion avion të “Air Albania” çdo ditë nga data 14 deri më 20 maj.
Ministria e Infrastrukturës dhe Energjisë ka publikuar kalendarin e riatdhesimeve për këtë periudhë.
Në të njëjtën kohë, do të bëhen edhe largime për jashtë vendin për ata që kanë mbetur në Shqipëri si pasojë e mbylljes së kufijve për shkak të pandemisë së koronavirusit.
Në kalendarin e publikuar udhëtimet do të jenë të mundura nga Stambolli, Milanoja, Roma, Frankfurti, Zyrihu, Parisi, Londra drejt Tiranës dhe anasjelltas.
