Një çantë e ‘dyshimte’ e lënë në zonën e “21 Dhjetorit” në Tiranë ka alarmuar policine. Pas kontrollit te forcave xheniere ka rezultuar se çanta nuk kishte lende eksplozive, por vetem rroba.
Mesohet se canta eshte harruar ne rruge nga nje grua e moshuar.
Forcat xheniere kanë realizuar hapjen e çantës së dyshimtë, e cila rezultoi të ishte një çantë e lënë në rrugë, brenda të cilës nuk kishte asnjë lëndë e cila mund të paraqiste rrezik për qytetarët.
Çanta është gjetur nga qytetarët në një stacion autobusi dhe kanë qenë ata që kanë lajmëruar policinë.
Pak metra larg vendit ku është gjetur çanta, ndodhet edhe Komisariati i Policisë Nr.2./a.ç
****
Një njoftim i mbërritur pranë Policisë së Tiranës ka vënë në lëvizje këtë të fundit. Bëhet fjalë për një çantë të dyshimtë të pikasur nga kalimtarë të rastit.
Kanë qenë këta të fundit që kanë telefonuar blutë e kryeqytetit kur kanë parë çantën në zonën e “21 Dhjetorit”. Burime nga vendngjarja raportojnë se policia ka krijuar perimetrin e sigurisë dhe po mbikqyr zonën.
Ndërkohë do të jenë forcat anti-terror dhe anti-eksploziv ato që përmes shpërthimit të kontrolluar do të zbulojnë se për çfarë bëhet fjalë konkretisht.
Forcat xheniere të cilat kanë mbërritur në vendngjarje, janë duke u përgatitur për të bërë një kontroll të kontrolluar. Policia ka marrë masa për të larguar qytetarët dhe ka këshilluar bizneset në zonë që të mbyllin qepenat për të shmangur dëmet. /b.d
