Presidenti francez Emmanuel Macron rrezikon të humbasë shumicën e tij në Asamblenë Kombëtare pasi rezultatet paraprake të zgjedhjeve parlamentare të së dielës e nxjerrin atë kokë më kokë me koalicionin e të majtëve të udhëhequr nga Jean-Luc Mélenchon.
Sipas rezultateve zyrtare koalicioni i Makron është ndalur në 25,75% ndersa koalicioni i majtë e ndjek me 25,66% të votave. Në vend të tretë vjen fronti Nacional i Marinë Le Pen me rreth 19% të votave. Për të garantuar shumicën nevojiten 289 vende nga 577 që ka asambleja kombëtare.
Pjesëmarrja në këto zgjedhje ishte 47% nga më të ulëtat në 2 dekadat e fundit për raundin e parë të zgjedhjeve të përgjithshme.
Menjëherë pas daljes së rezultateve Jean-Luc Mélenchon u shfaq i zymtë para mediave edhe pse ndodhet në krye. Ai u bëri thirrje votuesve të dalin pasivisht në raundin e dytë të dielën e ardhshme për të rrëzuar politikat e Makron.
Emmanuel Macron fitoi një mandat të dytë në prill, por pa një shumicë të qartë në Kuvend ai do të detyrohet të shtyjë reformat e premtuara.
/a.r
