Një ditë pasi Franca dhe Meksika thanë se do të kërkonin miratimin e Asamblesë së Përgjithshme të Kombeve të Bashkuara për një rezolutë humanitare për Ukrainën, ambasadori rus zbuloi se Moska po dorëzonte rezolutën e saj në Këshillin e Sigurimit të OKB-së.
Rusia kishte kundërshtuar projekt-rezolutën fillestare në Këshillin e Sigurimit, ku ka të drejtën e vetos. Sipas CNN, ambasadori rus në OKB Vassily Nebenzia tha se ka shanse që Rusia të pajtohet me një rezolutë humanitare.
Por Rusia ka disa kushte, ku Nebenzia tha se Moska kërkon demilitarizimin e Ukrainës, asnjë kërcënim të ardhshëm nga ai vend ndaj tyre si dhe mos anëtarësimin në NATO. Nebenzia tha gjithashtu se presidenti rus Vladimir Putin do të ndalojë sulmin ndaj Ukrainës “kur të arrihen qëllimet e operacioneve speciale ushtarake”.
/b.h
