Fushata e vaksinimit masiv në Shqipëri është në të njëjtat nivele me fushatën e vaksinimit në Bashkimin Evropian.
Sipas të dhënave të revistës shkencore online, Our World in Data, Shqipëria është vetëm 0.04 pikë larg shifrave të BE-së dhe 0.02 pikë larg atyre të Gjermanisë.
Më konkretisht, në Shqipëri administrohen 0.32 doza për 100 banorë. Gjermania është në kuotën 0.34 doza për 100 banorë. Ndërkaq, vendet e unionit janë në 0.36 doza për 100 banorë.
Numri i vaksinimeve për 100 banorë për Shqipërinë, Gjermaninë dhe BE-në, sipas Our World Data Deri përpara fillimit të vaksinimit masiv, Shqipëria ka qenë në shifra të ulëta, me 0.11 doza për 100 banorë.
Por, me ardhjen e vaksinave kineze të Sinovac dhe fillimin e procesit për personat mbi 70 vjeç, vendi ynë ka trefishuar shifrën brenda javës duke shkuar në nivele evropiane.
Progresioni rritës gjatë shtatë ditëve të fundit është me rreth 0.05 doza për 100 banorë çdo ditë. Nëse ruhet ky trend së bashku me atë të javëve të fundit të BE-së apo edhe Gjermanisë të marrë më vete, Shqipëria pritet të ketë një fushatë më të suksesshme vaksinimi se Evropa në javën e ardhshme. Mbi 150 mijë vaksinime janë kryer në tërësi në Shqipëri. Procesi është përmbyllur për personelin shëndetësor. Ndërkohë pritet të përmbyllet edhe për arsimtarët dhe personat mbi 70 vjeç, në marrjen e dozës së parë.
Kategoritë e tjera do të vaksinohen sipas prioriteteve. Rreth 20 mijë vaksinime ditore kryhen në gjithë vendin. Pjesa më e madhe në Tiranë, për shkak të popullsisë më të lartë. Me kontraktimin e 2.2 milionë dozave të tjera, procesi i vaksinimit pritet të jetë konstant dhe të mos ndalojë./ b.h
