Një pikturë e shekullit shtatëmbëdhjetë e artistit francez Charles Le Brun, që besohej se ishte e humbur për gati dy shekuj, është duke u restauruar për t’ia rikthyer shkëlqimin e dikurshëm, shkruan Koha Ditore.
E titulluar “Christ in the Garden of Olives” (Krishti në kopshtin e ullinjve), ajo ishte blerë për Mbretin Louis XIV, për pallatin e tij në Versailles më 1695.
Piktura ishte dërguar në Muzeun e Luvrit më 1817 dhe më pastaj në një Manastir, ku ishte rizbuluar më 2008 në një gjendje shumë të keqe, shkruan më gjerësisht Koha Ditore. (b.an)
