Një ngjarje e rëndë e ndodhur në qytetin e Beratit, ku një 15-vjeçare akuzon burrin e hallës së saj se e ka përdhunuar.
Fillimisht u tha se ishte burri i tezes ai që e ka ngacmuar seksualisht vajzën në shtëpinë e tij, ku ajo kishte shkuar me pushime, por e vërteta është tërësisht ndryshe sipas një banori të zonës. Ai bën me dije se Resmi Turani ka abuzuar me vajzën dhe jo në shtëpinë e saj, por e ka çuar atë në pyll. Madje në dëshminë e tij pranë redaksisë sonë, banori i zonës shprehet se prindërit e 15-vjeçares janë të sëmurë të dy.
“Vajza është një person i pa mbrojtur dhe s’ka asnjë arsye apo përfitim në këtë gjë. S’ka kush ta shtyjë. E ai nuk e ka përdhunuar në shtëpi, jo. Ka shkuar, e ka marrë nga shtëpia e saj me arsyen që ta çonte tek vajza e tij që ta ndihmonte për të pastruar shtëpinë. Pastaj, pasi e ka marrë në makinë, e ka çuar në pyll në Veterik dhe aty e ka përdhunuar. Janë gjetur dhe prova letra të lagura që kanë fshirë spermën“, – thotë banori i zonës.
Ai bën një deklaratë edhe më të rëndë kur thotë se Resmiu e ka përdhunuar edhe një herë tjetër vajzën R.K., kur ajo ishte më e vogël e i gjithë fshati mendoi se ajo ngeli shtatzënë. Sipas tij, e gjithë kjo ndodh pasi babai i R. është i sëmurë mendor dhe nuk ka kush ta mbrojë e ta mbështesë.
“Vajza e ka babanë të sëmurë mendërisht. As nuk jep e as nuk merr. Mamanë e ka të sëmurë me tiroide. Ka edhe një vëlla të vogël 10-vjeç. Duke përfituar nga kjo gjë, Resmiu e ka përdhunuar edhe një herë tjetër në Tiranë. Ky plehra e ka marrë në dhjetor R. për të marrë një grua në Rinas, se punon taksi. Tha që e mori me vete R. që mos të mërzitej gjatë rrugës. Gruaja e Resmiut i ka thënë xhaxhait të 15-vjeçares, i cili kujdeset për vajzën, se do të shkonte dhe ajo bashkë me Resmiun e R., ndaj ai i ka dhënë leje. Halla e R., pra gruaja e Resmiut nuk vajti në Tiranë dhe vajza iku vetëm me të. Avioni u vonua dhe ai i dha darkë vajzës, e çoi në një rrugë dytësore ku e ka përdhunuar. Xhaxhai i vajzës, Luani, që është si më i përgjegjshëm, s’e ka besuar herën e parë e është mbyllur si muhabet aty në familje, por i gjithë fshati Bilcë e ka ditur sikur vajza ka ngelur shtatzënë”, – tregon banori.
Ai bën me dije më tej se pasi i ka treguar xhaxhait për përdhunimin e dytë, bashkë me të ëmën vajza është drejtuar në polici ku ka dhënë dëshminë për gjithçka që ka ndodhur.
Nga ana tjetër, ditën e sotme reaguan edhe bashkëshortja e Resmiut, pra halla e vajzës, Faria si dhe e bija, të cilat mbrojtën Resmiun dhe bënë me dije se një gjë e tillë ishte e pamundur të ndodhte. Para policisë dhe hetuesve i akuzuari është shprehur se R. e ka trajtuar si ta kishte vajzën e tij. Gjykata ka dhënë masën e arrestit “burg pa afat” për Resmi Turanin./JOQ.al/ma.me
