Autoriteti Rrugor Shqiptar jep informacion lidhur me situatën e rrugëve në vend, pas reshjeve që kanë përfshirë vendin gjatë gjithë natës.
Në Rajonin Verior reshjet kanë qenë me intensitet më të lartë duke sjellë rënie gurësh e inertesh në trup të rrugës si, në: Tamarë-Vermosh, Hani Hotit-Tamarë, në Valbonë nga kilometri 3 deri në kilometrin 10.
Në aksin Bogë-Theth ka pasur probleme me prurjet e përrenjve në trup të rrugës tashmë janë pastruar dhe aksi është i kalueshëm pa probleme.
ARRSH thotë se kontraktorët e mirëmbajtjes me mjete dhe punëtorë janë në terren pa ndërprerje për të mbajtur gjendjen e akseve në normalitet.
