-Reshjet e bores kanë rënë me intesitet të lartë në fshatrat turistike të Voskopojës dhe Dardhës, si dhe qafen e Qarrit në juglindje të vendit. Në zonën e Dardhës trashësia e borës varion në 15-20 cm.
Drejtori i Përgjithshëm i Autoritetit Rrugor Shqiptar, Ergys Verdho, në një postim në rrjetet sociale shkruan se bora ka rënë në Dardhë km 7 deri km 13, ndërsa në Voskopojë km 16 deri në km 18. Ai njofton se kontraktorët kanë punuar me mjete dhe fuqi punëtore për mbajtjen hapur të këtyre akseve.
Sa i përket qarkullimit, vazhdon normalisht dhe pa zinxhirë në të gjitha akset.
