Ditën e sotme priten reshje mesatare në qarqet Shkodër dhe Kukës, ndërsa të dobëta në qarqet e tjera.
Në qarqet Shkodër dhe Kukës reshjet do të arrijnë lokalisht deri intensive, ndërsa në qarkun Lezhë deri mesatare. Sipas Institutit të Gjeoshkencave, Energjisë, Ujit dhe Mjedisit, reshjet në qarqet veriore do të shoqërohen me shtrëngata dhe në verilindje të vendit ato do të jenë në formë dëbore.
TEMPERATURAT
Temperaturat minimale dhe maksimale të ajrit pritet të arrijnë:
në bregdet: 9 / 17 °C
në vendet e ulëta: 7 / 17 °C
në vendet malore: 2 / 13 °C
ERA
Era do të fortësohet gradualisht, sidomos në bregdet dhe në terrenet malore veriore, ku do të arrijë shpejtësinë deri në 50km/orë.
