Ndërtimi i Teatrit të ri është kthyer në një çështje me permasa kombëtare, pasi përveç aktorëve dhe intelektualëve, Bashkisë së Tiranës, ministrisë së Kulturës dhe opozitës, në debat janë përfshirë edhe qytetarët.
Në emisionin “Koha për t’u zgjuar”, shumë qytetarë kanë diskutuar rreth kësaj çështje dhe kanë kërkuar ndërtimin e një godine të re.
Njëri nga qytetarët ka dënuar retorikën e disa aktorëve, që sipas tij kanë bërë thirrje për luftë, ndërsa shton se teatri është i të gjithë shqiptarëve.
“Teatri nuk është i aktorëve, është i kombit”, tha ai, ndërsa kërkoi që t’i jept fund sherrit të kotë dhe t’i hapet rrugë ndërtimit të një godine moderne.
Një qytetar tjetër deklaron se artistët nuk kanë pse të bëhen vegël qorre e Berishës.
Ja debati në studio
Qytetar: Lidhur me Teatrin, a mund të quhen artistë ata që bëjnë thirrje për luftë?
Hoxha: Thirrje për luftë s’ka bërë njeri, kanë thënë ta mbrojmë.
Qytetari: Mbrojtje me gjak do të thotë të luftosh.
Hoxha: Do të thotë të rezistosh.
Qytetari: Nëse nuk ka mundësi të bëjë mbrojtje prej artisti nuk ka pse të dalë si vegël qorre e Berishës.
Hoxha: Pse i gjykoni si vegël qorre?
Qytetari: Ai teatri nuk është i tyre, ata kanë pjesë sa unë e ti.
***
Qytetar: Ç’kërkojnë artistët tanë kur do ndërtohet një teatër i ri Pse thonë, do kalohet mbi trupat tanë. Jam dakord me parafolësin, nuk është qëndrim i drejtë.
***
Qytetar: Lidhur me problemin e teatrit, teatri është i kombit shqiptar, pse mos bëhet i ri?Kur në një fshat bëhet shkollë e re pyeten mësuesit? Kështu që qëndrimi i atyre nuk më duket i drejtë.
***
Qytetar: Teatri është Teatër Kombëtar, tani ai është i rrënuar komplet. Ndërkohë ngrihen të gjithë aktorët të mos prishet, teatri nuk është i aktorëve, është i kombit. Të lënë të bëjnë një teatër model si në çdo vend evropian jo sherr 12 muaj të vitit.
Javanews/a.ç
