Vijojnë replikat në distancë mes kryeministrit Edi Rama dhe liderit të opozitës, Lulzim Basha. Pasi kreu i qeverisë përgjatë ditës së sotme ka publikuar qëndrime të liderëve europianë, si Tusk, Macron, Conte si dhe Merkel, ku përkrah tyre vendoste edhe deklaratat e Bashës, ky i fundit i është kundërpërgjigjur sërish.
Përmes një postimi në “Facebook”, Basha thotë se opozita mbështet 100 % qëndrimet e liderëve të BE në lidhje me integrimin e vendit, ndërsa shton se ata refuzojnë Ramën.
“Ne mbështesim 100% qëndrimet e liderëve të BE. Shqipëria e meriton hapjen e negociatave. Shqipëria meriton më të mirën. Për fat të keq ka një njeri që e pengon këtë rrugë. Ata duan ta pranojnë Shqipërinë, por në mënyrë të përsëritur ata refuzojnë Ramën”, shkruan Basha.
