Drejtori i Policisë së Dibrës ka dhënë detaje të tjera në lidhje me zbardhjen e vrasjes së 23-vjeçarit Renis Dobra, ngjarje për të cilën janë arrestuar 2 persona, ndërsa 2 të tjerë janë shpallur në kërkim.
Operacioni i koduar “Bashkëfajësia” zgjati 1 javë dhe me anë të metodave speciale të hetimit u zbardh ngjarja.
Sipas policisë, vrasja dyshohet se ka ndodhur për shkak të mosmarrëveshjeve për drogë mes viktimës dhe autorëve të dyshuar; atyre të arrestuar e 2 të tjerëve në kërkim.
Në një deklaratë për mediat, policia deklaroi se autorët nuk ishin veshur me uniformë policie.
Ndër të tjera, policia u shpreh se vijon kërkimi për dy autorët e tjerë të ngjarjes së rëndë.
“U bë e mundur zbardhja e vrasjes. Në kuadër të operacionit të kduar “Bashkëfajësia”, vunë në pranga shtetasit P.Ç, u arrestua në Golaj Kukës, i dyshuar për vrasje në bashkëpunim, shtetasi FB, 34 vjeç banues në Kamëz. U identifikuan dhe u shpallën në kërkim dy shtetas. Vijojnë kontrollet, nga hetimet e thelluara, në 08.07. 2025, shtetasi D. është marrë peng dhe u vra duke u mbytur në litar. Më pas, autrëte kanë hedhur automjetin me trupin e pajetë në liqenin e Shkopetit. 4 shtetasit nuk kanë qenë të veshur me uniforma policie. 23 vjeçari ka qenë i dënuar në Gjermani dhe dyshohet se me 4 shtetasit ka pasur mosmarrëveshje për tregtinë e lëndëve narkotike. Në lidhje me ngjarjen, në ambientet e policisë në Tiranë, janë shoqëruar edhe 4 persona të tjerë.”, tha policia.
