Zef Shtjefni, prodhues tullash dhe pronar i dy fabrikave, njërës në Lezhë dhe tjetrës në Fushë-Krujë, është detyruar që në njërën prej fabrikave, atë të Fushë-Krujës, të ndalojë prodhimin.
Shqipëria është eksportues neto i bimëve medicinale dhe aromatike. Xhevit Hynesaj, një prej prodhuesve më të mëdhenj, na thotë se nëse vazhdon kjo situatë, edhe viti 2019 do të jetë i vështirë.
Edhe për eksportuesit e prodhimeve bujqësore goditja ka qenë e fortë, me 15% humbje. Ardian Çitozi, eksprotues i cili ka lidhur kontrata me disa fermerë, shpreson që të paktën tani të ketë një stablizim të kursit të këmbimit: “Janë rreth 7 hektarë tokë të mbjellë me shalqi, por neve nuk dimë se si do të shkojë puna. Shpresojmë që euro të mos ketë luhatje, që të ketë stabilitet sepse nëse ka stabilitet, atëherë edhe fermeri ndjehet i sigurtë, por edhe eksportuesi ndjehet i sigurtë”.
Problemet me rimbursimin e TVSH-së janë ana tjetër e medaljes për prodhuesit dhe eksportuesit. Zef Shtjefni shprehet: “Kemi 300 milionë lekë këtu në këtë fabrikë, plus te fabrika e Lezhës po ashtu, që shteti na ka borxhe”.
Në rastin e prodhimeve bujqësore dhe sektorit të bimëve mjekësore, një ndryshim në paketën fiskale në lidhje me TVSH-në e inputeve bujqësore ka bërë që fermerët të mos kenë përfitime në rimbursim. tch
/a.meta
