Vijon puna e Policisë së Shtetit për rritjen e parametrave të sigurisë në vend.
Në këtë kuadër vijojnë kontrollet për persona në kërkim, persona me precedent penal dhe me armë pa leje, verifikimin dhe ndjekje konflikteve të dhunës në familje, monitorimin dhe ndalimin e shkelesve te Kodit Rrugor.
Gjatë 24 orevë të fundit në të gjithë vendin janë kapur, arrestuar e ndaluar 30 persona për vepra të ndryshme penale, si dhe janë sekuestruar armë e municione dhe konkretisht:
– Janë kapur 7 persona që ishin të shpallur në kërkim .
– 12 persona për vjedhje të energjisë elektrike.
– 5 persona për shkelje të rregullave të qarkullimit rrugor.
– 2 persona për dhunë në familje.
– 2 persona për armbajtie pa leje.
– 2 persona për goditje për shkak të detyrës.
Si dhe janë plotesuar 7 Kërkesë Padi për Urdhër mbrojtie.
Policia Rrugore ka vendosur 896 masa administrative për shkelje të ndryshme të Kodit Rrugor dhe janë pezulluar 11 leje drejtimi, e bllokuar 6 automjete pa dokumentacion përkatës.
Gjithashtu policia ka shoqëruar për verifikime të ndryshme, 41 persona në të gjithë vendin.
Edhe në ditët në vazhdim Policia e Shtetit do vijojë punën me sherbime të përforcuara duke ngritur pika kontrolli ne akset rrugore, kontrolle te lokaleve të natës dhe atyre të frekuentuara nga persona me precedentë penal, për të parandaluar paligjshmërinë në vend dhe krijuar një ambjent e shoqëri më të sigurt.
