Mesfushori i Portugalisë, Renato Sanches është shpallur lojtari më i mirë i ri i Euro 2016, transmeton Koha.net.
Ai e fitoi çmimin “SOCAR Young Player of the Tournament” në Evropianin e mbajtur në Francë, çmim ky që ishte i hapur për të gjithë lojtarët pjesëmarrës të lindur pas 1 janarit 1994.
Për këtë çmim kanë vendosur shefi teknik i UEFA-s, Ioan Lupescu, ish-trajneri i Manchester Unitedit Sir Alex Ferguson dhe Alain Giresse, raporton Uefa.com.
18 vjeçari e mposhti në konkurencë direkte bashkëlojtarin e tij tani te Bayern Munichu, Kingsley Coman, dhe bashkëlojtarin te Portugalia, Raphael Guerreiro, i cili së fundmi është transferuar te Dortmundi. (b.an)
