“Çdo shkollë duhet të ketë fermën e vet, parcelën e vet që fëmijët të mos humbin farë kontaktin, mos t’iu duket sikur edhe domatet ua sjell TikTok, por ta dinë si mbillen, dalin. Është komplet e pabesueshme që të mos njohin dot kush është qen e kush është dele”, tha Rama.
Ferma në shkollë është ideja e hedhur nga kreu i qeverisë Edi Rama për ta bërë pjesë të kurrikulës mësimorë në shkollat. Propozimi i kryeministrit erdhi gjatë takimit këshillues me prindër në Fier.
Afrimi me natyrën, do t’i bëj të rinjtë të rrinë sa më larg rrjeteve sociale, të cilat shpesh herë kthehen dhe në arenë konfliktesh siç ishte dhe rasti i të rinjve në shkollën Fan Noli, ku mbeti i vrarë 14-vjeçari Martin Cani.
Ferma në shkollë është një program që përdoret gjerësisht në systemin arsimor të vende të BE. Sipas rektorit të Universitetit Bujqësor të Tiranës, çelja e fermave mësimore është një program që mund të aplikohet në periferi të qyteteve, ngritja e këtyre fermave duhet të ketë vetëm karakter edukues.
“Nuk është qëllim i final të prodhojnë apo të fitojnë nga ky lloj biznesi, po qëllimi është më tepër edukativ që fëmijët të jenë më afër natyrës dhe tokës. Ne kemi vetë një fermë ku vendosim sipërfaqe të vogla në dispozicion për disa shkolla ku ata të vijnë të demonstrojnë praktikat e duhura vetëm për qellim edukativ”, tha Fatbardh Sallaku-rektor.
Afrimi i të rinjve me jetën rurale do të sillte dhe zhvillim për sektorin e bujqësisë, pasi nga toka mund të ushqehesh dhe jetosh mirë.
/S.T
