Policia italiane ka arrestuar katër shqiptarë. Në pranga ka rënë një 30-vjeçar, një 22-vjeçare një 33-vjeçar dhe një 34-vjeçar.
Të arrestuarit akuzohen për trafik të lëndëve narkotike në bashkëpunim.
Për dy të dyshuarit e parë, një çift që besohet se ishin në krye të grupit kriminal, është vendosur masa e sigurisë “arrest me burg” për burrin dhe “arrest shtëpie” për gruan.
Ndërsa dy bashkëpunëtorëve iu ndalua qëndrimi në provincën e Forlì-Cesena.
Hetimi nisi në prill, pas raportimeve për aktivitete të trafikut të drogës që po zhvilloheshin në qytetet bregdetare.
Në maj u arrestuan dy burra nga grupi, një 34-vjeçar dhe një 20-vjeçar, gjithashtu shqiptarë. Pas kontrolleve të kryera në banesën e tyre në Cesenatico, oficerët gjetën një sasi kokaine dhe 6,000 euro që besohet se ishin të ardhura nga tregtia e drogës.
Raportohet se të arrestuarit rekrutonin të rinj nga një fshat i vogël i Shqipërisë dhe u paguanin biletën për të udhëtuar drejt Italisë, më pas akomodoheshin në zona të ndryshme dhe fillonin shitjen e kokainës.
/a.r
