Megjithëse është ekip i eliminuar nga Kupa e Botës, Egjipti ka hyrë në listën e rekordeve të këtij turneu, falë portierit të tyre Essam El-Hadary.
Kjo pasi gardiani 45-vjeçar është futbollisti më i vjetër që ka luajtur në një turne të këtij niveli.
Por pavarësisht moshës, ai ka marrë rolin e protagonistit ndaj Arabisë Saudite, duke pritur një penallti në minutën e 41-të dhe duke u kthyer në futbollistin e ndeshjes me pritjet e kryera gjatë gjithë takimit.
Statistikat për tu nënvizuar mbi këtë portier janë nga më të ndryshmet, teksa tre trajnerë të Botërorit janë më të rinj se Essam El-Hadary, ku duhet të përmendim teknikët Roberto Martinez, Mladen Krstajic dhe Aliou Cisse./a.m.
