Izmir Smajlaj është i pafajshëm dhe mund të rikthehet në aktivitet e atletikës normalisht i shkarkuar nga çdo akuzë e mëparshme nga Njësia e Integritetit të Atletikës.
Nuk mund të mendohej që absurditeti i kësaj mësymje ndaj Federatës tonë të Atletikës të arrinte deri në këto nivele. Megjithatë duke qartë se qëllimi i ndërkombëtarëve ka qenë i qartë. Nikolin Dionisi, ish-sekretar i Federatës së Atletikës, i cili pranoi fajin dhe me gjykim të shkurtuar u dënua me 4 vite pezullim nga aktivitetet e këtij sporti dhe presidenti aktual i FSHA, Gjergj Ruli, “për mungesë sinqeriteti dhe mosmarrje masash ndaj administratës së federatës për këtë gabim,” dënohet me 5 vite pezullim.
Megjithatë dënimi u mor dhe një arsye u gjet, si për të justifikuar 2 vite luftë me mullinjtë e erës që si për ironi të fatit, u bë për një matës ere që nuk e kishim, ndërsa sot, pas këtyre dënimeve Shqipërisë ja bëri dhuratë vetë Federata Botërore e Atletikës.
Më 19 maj është përcaktuar data e asamblesë së jashtëzakonshme për zgjedhjen e strukturave të reja drejtuese të Federatës Shqiptare të Atletikës.
/s.f
