Kancelarja gjermane Angela Merkel ka përsëritur në çdo rast të mundshëm se do të mirëpresin emigrantët që vijnë nga zonat e luftës si Siria dhe Iraku, por faktet tregojnë të kundërtën. Sipas të dhënave zyrtare të publikuara dje nga qeveria gjermane, numri i deportimeve në 2015 u rrit me 60 përqind më shumë se viti paraardhës.
Në vitin 2014 u deportuan në total 13 mijë e 851 emigrantë ndërsa në 2015 u deportuan 22 mijë e 369 emigrantë.
Ndërkohë në 2016 ka vijuar ky trend dhe vetëm në dy muajt e parë janë dëbuar 4500 emigrantë, që do të thotë se me këtë ritëm deri në fund të vitit pritet të dëbohen rreth 27 mijë emigrantë, shkruan Tema. Gjithashtu është rritur edhe numri i emigrantëve që kanë lënë me dëshirë Gjermaninë.
Nga 13 mijë që ishte në 2014, ka shkuar në 37 mijë në 2015
